Топол печат

Техника на печатење со специјална метализирана тенка фолија при што се постигнуваат фини и квалитетни детали на етикетата. Топлиот печат дава врвен, луксузен ефект, кој резултира со привлечен производ. Метализираните фолии имаат поширок спектар на бои и ефекти како што е холографската фолија. Со метализираната фолија може да се печати на било која површина и е совршено подобрување на дизајнот ако сакате вашиот производ да изгледа извонредно.

Релјефен сув печат

Престижен ефект кој се создава со втиснување или подигнување на материјалот на одредени делови кои го оформуваат дизајнот на површината на етикетата и со тоа се добива чувство на 3Д ефект т.е. релјефна структура, а при тоа се потенцираат одредени елементи на дизајнот.

Сито лак

Специјална техника на печатење со која се додава текстура или тактилност на одредени елементи од дизајнот и истовремено дава елегантно чувство на самата етикета. Се користи за создавање на детали со висока тактилност и за печатење на матни мастила со висока густина. Користејќи го процесот на печатење со свила, можеме да создадеме High Build облога што дава тактилен, врвен ефект кој ги истакнува клучните области на дизајнот.

Сепаратен лак

Лакирање со сјај или мат премаз преку одредени елементи на дизајнот за да се истакне или да се создаде дезен, при тоа може да се постигне многу ефикасен изглед

Метализирани бои

Се користат за да се создаде сличен ефект на фолијата, со помош на сјајот на металните честички што се наоѓаат во мастилото.

Лакирање

Процес на нанесување специјален премаз на транспарентна боја на површината на етикетата кој служи за заштита на етикетите од абење, сончева светлина, хемикалии и влага а при тоа дава сјаен или мат ефект, во зависност од дизајнот и материјалот на етикетата.